سارة نخلة «وفر لي كل شيء وبعدين قول عليا نكدية»

تحدثت الفنانة سارة نخلة في تصريحات تليفزيونية عن مفهومها للمسؤولية في العلاقات الزوجية مؤكدة أن الرجل يجب أن يكون قادراً على تحمل الأعباء الحقيقية وليس الاكتفاء بالكلام المعسول والوعود الزائفة

وتحدثت قائلة «أنا مبحبش أراوغ يا إما أنت هتعليني أو تبقى على نفس مستوايا اللفلفة والدباديب مابقتش تأكل عيش دي كانت حاجة يضحكوا علينا بيها زمان لكن دلوقتي أنا فوق الـ30 ما حدش يقدر يضحك عليا».

وأضافت «المسؤولية مش إن الراجل يكلمني يقول لي أخبارك إيه دي حاجة عادية المسؤولية هي أنه يشيل كل حاجة البيت المصاريف وكل اللي يخصنا أنا مش هقف مع السباك ولا مع بتاع التكييف وفرلي كل ده وبعدين تعال قول عليا نكدية».

و قد أشارت إلى الفرق بين السيدات المصريات وغيرهن من الجنسيات الأخرى مؤكدة أن المرأة المصرية تتميز بقدرتها على تحمل مسؤوليات تفوق طاقتها قائلة «الست المصرية أجدع ست في الدنيا شايلة كل حاجة لوحدها من مصاريف البيت للمدارس والنوادي ولا سورية ولا لبنانية تقدر تستحمل اللي المصريات بيستحملوه».

وعن أهمية اهتمام المرأة بنفسها أوضحت «اهتمام المرأة بنفسها ده دور الراجل كمان وفرلي الفلوس اللي تخليني أعمل بوتكس وفيلر وفرلي سواق وحاجات البيت وبعدها تعالى قول عليا نكدية».

يُذكر أن آخر أعمال الفنانة سارة نخلة كان مسلسل حكايتي الذي شاركت في بطولته الفنانة ياسمين صبري إلى جانب أحمد بدير وفاء عامر أحمد صلاح حسني جمال عبد الناصر إدوارد نهال عنبر إسلام جمال وآخرين.