«بدرية طلبة» البلوجر المحترم مش هيتعاقب والرزق بيد الله

علّقت الفنانة بدرية طلبة على واقعة القبض على عدد من البلوجرز، مؤكدة أن البعض يشمت فيهم بسبب الغيرة من الأموال التي يحققونها عبر الدعم على منصة تيك توك.

وقالت بدرية: “سيبك من اللي يقولك إنه فرحان عشان البلد تتنضف. الأسلوب والمحتوى هما الفيصل. اللي محتواه محترم مش هيتعاقب، واللي غير محترم بيتعاقب، واللي بيغش بيتعاقب.”

وأضافت: “ربنا كرّم أي إنسان برزق محدش يقدر يمنعه عنه. الدعم ده مش جريمة، المهم يكون بالحلال. دي أرزاق مقسومة من ربنا، ومحدش يقدر ياخد رزق حد.”

وأشارت إلى أن الشمتانين لا ينظرون إلا للأموال التي يكسبها البلوجرز، متجاهلين أن العقوبة تقع فقط على من يخالف القوانين أو يقدم محتوى غير لائق.